TSAEB Recruitment: ભરૂચ જિલ્લા આદિવાસી સેવાસંઘ કેળવણી મંડળ, રાજપીપલા દ્વારા સંચાલિત વિવિધ કોલેજોમાં વર્ગ–3 ની ખાલી જગ્યાઓ ભરવા માટે ઉચ્ચશિક્ષણ કમિશ્નરશ્રીની કચેરી, ગાંધીનગર તરફથી તા. 20/09/2025 અને તા. 23/09/025 ના પત્રો દ્વારા મંજૂરી પ્રાપ્ત થઈ છે. મળેલી મંજૂરી મુજબ નીચે દર્શાવેલ કોલેજોમાં વિવિધ જગ્યાઓ ભરવાની પ્રક્રિયા હાથ ધરવામાં આવી રહી છે. ઉમેદવારોએ નિયત નમૂનામાં ભરેલી અરજી નક્કી કરેલ સમયમર્યાદામાં ઓનલાઈન તથા સ્પીડપોસ્ટ દ્વારા મોકલવાની રહેશે. ભરતી સંબંધિત તમામ માહિતી સંબંધિત કોલેજોની વેબસાઈટ ઉપર ઉપલબ્ધ છે.
મહત્વની તારીખો
જાહેરાત પ્રસિદ્ધ થયાની તારીખથી 10 દિવસની અંદર ઓનલાઈન અરજી તથા સ્પીડપોસ્ટ અથવા RPAD દ્વારા અરજી મોકલવાની રહેશે. સમયમર્યાદા બાદ આવેલી અરજીઓ માન્ય ગણાશે નહીં. ઓનલાઈન ફોર્મ ગૂગલ ફોર્મ દ્વારા ભરવાનું રહેશે અને સ્પીડપોસ્ટ દ્વારા મોકલેલી અરજી નિયત નમૂનામાં હોવી ફરજીયાત છે.
પોસ્ટનું નામ અને કુલ જગ્યાઓની સંખ્યા
આ ભરતી અંતર્ગત કુલ 10 જગ્યાઓ ભરવામાં આવશે, જેમાં જુદા જુદા કોલેજોમાં જુનિયર ક્લાર્ક અને સિનિયર ક્લાર્કના પદો સમાવેશ થાય છે. દરેક જગ્યાની લાયકાત, કેટેગરી અને વિગતો તે તે કોલેજ અનુસાર નક્કી થયેલી છે.
પોસ્ટ મુજબ જગ્યાઓ
શ્રી એમ. આર. આર્ટ્સ એન્ડ સાયન્સ કોલેજ, રાજપીપલા ખાતે જુનિયર ક્લાર્ક માટે 02 જગ્યાઓ મંજૂર કરવામાં આવી છે.
શ્રી રત્નસિંહજી મહિડા કોમર્સ કોલેજ, રાજપીપલા ખાતે જુનિયર ક્લાર્ક માટે 09 જગ્યાઓ તથા સિનિયર ક્લાર્ક માટે 01 જગ્યા મંજૂર કરવામાં આવી છે. તમામ જગ્યાઓ માટે સંબંધિત NOC ક્રમાંક ઉચ્ચશિક્ષણ કમિશ્નરશ્રી દ્વારા પ્રસિદ્ધ કરવામાં આવ્યા છે.
પગાર ધોરણ
નિમણૂંક પામનારા ઉમેદવારને પ્રથમ પાંચ વર્ષ સુધી ફિક્સ પગાર ધોરણે નિમણૂંક આપવામાં આવશે. પાંચ વર્ષ બાદ સેવા અને વર્તનના આધારે સમીક્ષા કરવામાં આવશે અને નિયમો મુજબ નિયમિત પગારધોરણ લાગુ કરવામાં આવશે. નિયુક્ત ઉમેદવારને NOC માં દર્શાવેલ તમામ શરતોનું પાલન કરવાનો બાંહેધરો રહેશે.
પસંદગી પ્રક્રિયા
સામાન્ય વહીવટી વિભાગ, નાણાં વિભાગ અને ગુજરાત ગૌણ સેવા પસંદગી મંડળના નિયમો મુજબ પસંદગી પ્રક્રિયા હાથ ધરાશે. લાયકાત ધરાવતા ઉમેદવારોમાંથી અંતિમ પસંદગી સંપૂર્ણપણે સરકારના નિયમો મુજબ જ કરવામાં આવશે. અરજીઓની પ્રાથમિક છટણી કર્યા બાદ જરૂરી હોય તો કોલેજો દ્વારા ઇન્ટરવ્યુ અથવા અન્ય પ્રક્રિયા પણ યોજાઈ શકે છે.
વય મર્યાદા
વય મર્યાદા ગુજરાત સરકારશ્રી અને ગુજરાત ગૌણ સેવા પસંદગી મંડળના પ્રવર્તમાન નિયમો મુજબ રહેશે. SEBC કેટેગરી માટે અરજી કરનાર ઉમેદવારોએ જાતિનું માન્ય પ્રમાણપત્ર તથા નોન–ક્રિમિલિયર સર્ટિફિકેટની નકલ અરજી સાથે જોડવી ફરજીયાત છે.
શૈક્ષણિક લાયકાત અને અનુભવ
જુનિયર ક્લાર્ક અને સિનિયર ક્લાર્ક માટે ઉમેદવારે કોઈપણ માન્ય યુનિવર્સિટીમાં થી સ્નાતક પદવી પ્રાપ્ત કરેલ હોવી જરૂરી છે. ઉપરાંત ઉમેદવારને કોમ્પ્યુટરના મૂળભૂત જ્ઞાનનું પ્રમાણપત્ર હોવું આવશ્યક છે. કાર્યનો અનુભવ ધરાવતા ઉમેદવારોને પ્રાથમિકતા મળી શકે છે. તમામ લાયકાતો સરકારશ્રીએ નક્કી કરેલ નિયમો મુજબ હોવી જરૂરી છે.
અરજી ફી
બિનઅનામત વર્ગના ઉમેદવારો માટે રૂ. 1000 ની નોન–રીફંડેબલ અરજી ફી રાખવામાં આવી છે. અનામત કેટેગરીના ઉમેદવારો માટે અરજી ફી રૂ. 800 નક્કી કરવામાં આવી છે. અરજી ફીનો ડિમાન્ડ ડ્રાફ્ટ BHARUCH DIST ADIVASI SEVA SANGH KELVANI MANDAL, RAJPIPLA ના નામે જ બનાવવો રહેલ છે.
અરજી કરવાની પ્રક્રિયા
ઉમેદવારોએ સૌપ્રથમ સંબંધિત કોલેજોની વેબસાઈટ પરથી ભરતીની સંપૂર્ણ માહિતી વાંચવી રહેશે. ત્યારબાદ ગૂગલ ફોર્મ દ્વારા ઓનલાઈન અરજી ભરવાની રહેશે. ઓનલાઈન ફોર્મ સબમિટ કર્યા બાદ નિયત નમૂનામાં અરજી ફોર્મ ડાઉનલોડ કરીને તેમાં તમામ વિગતો ભરવી અને જરૂરી પ્રમાણપત્રોની સ્વ–પ્રમાણિત નકલો જોડવી આવશ્યક છે. ભરેલું ફોર્મ, જરૂરી દસ્તાવેજો અને ડિમાન્ડ ડ્રાફ્ટ સાથે સ્પીડપોસ્ટ અથવા RPAD મારફતે મોકલવાનું રહેશે. ઉમેદવારે પોતાના સરનામા સાથેનું ૧૧x૫ ઇંચનું ખાલી કવર તથા રૂ.40 ની ટપાલ ટિકિટ અરજી સાથે જોડવાનું રહેશે. દરેક પોસ્ટ અને દરેક કોલેજ માટે જુદી જુદી અરજી કરવાની રહેશે.
અરજી મોકલવાનું સ્થળ:
પ્રમુખશ્રી/મંત્રીશ્રી,
ભરૂચ જિલ્લા આદિવાસી સેવાસંઘ કેળવણી મંડળ,
“શિવ ઓફીસ”, રાજેન્દ્રનગર સોસાયટી, રાજપીપલા,
જિલ્લો નર્મદા, પિન–૩૯૩૧૪૫.
અરજી કરવા માટેની લિંક:
| ઓફિશિયલ નોટિફિકેશન માટે | અહીં ક્લિક કરો |
| mahitibuzz.com જવા માટે | અહીં ક્લિક કરો |
નોંધ: આ માહિતી આદિવાસી સેવાસંઘ કેળવણી મંડળ ની સત્તાવાર જાહેરાતના આધારે આપવામાં આવી છે. અરજી કરતા પહેલા સત્તાવાર વેબસાઇટ પર વિગતો ચોક્કસ ચકાસી લો.
Naran Chaudhari has been working in content creation since 2018, mainly covering government jobs, schemes, and education updates. He prepares articles using official notifications and trusted sources, so readers get accurate and helpful information.📍 Nagod, Gujarat, India